ХЭЛМЭГДЭГСДИЙН ГЭГЭЭН ДУРСГАЛЫГ ХҮНДЭТГЭВ

Улс төрийн хэлмэгдэгсдийн дурсгалын өдрийг тохиолдуулан ОХУ-ын нутаг дэвсгэрт хилс хэргээр амь үрэгдсэн монголчуудын дурсгалыг хүндэтгэн Москва хотын "Коммунарка" дүүрэгт байрлах Үнэн алдартны сүмийн цогцолборт босгосон хөшөөнд Монгол Улсаас ОХУ-д суугаа Онц бөгөөд Бүрэн эрхт Элчин сайд Ө.Энхтүвшин, ЭСЯ-ны дипломатууд, ажилтнууд 2022 оны 9 дүгээр сарын 10-ны өдөр уламжлал ёсоор цэцэг өргөж, хэлмэгдэгсдийн гэгээн дурсгалыг хүндэтгэв.