ЭЛЧИН САЙД Ө.ЭНХТҮВШИН ХЯТАД БОЛОН ОРЧИН ЦАГИЙН АЗИЙН ХҮРЭЭЛЭНГИЙН ЗАХИРАЛ К.В.БАБАЕВЫГ ХҮЛЭЭН АВЧ УУЛЗАВ

Монгол Улсаас ОХУ-д суугаа Онц бөгөөд Бүрэн эрхт Элчин сайд Ө.Энхтүвшин 2025 оны 3 дугаар сарын 31-ний өдөр ОХУ-ын ШУА-ийн харьяа Хятад болон орчин цагийн Азийн хүрээлэнгийн захирал, доктор Кирилл Владимирович Бабаев болон тус хүрээлэнгийн Монгол судлалын секторын удирдагч, доктор А.С.Железняков нарыг тус Элчин сайдын яамны байранд хүлээн авч уулзав.

Уулзалтын үеэр Элчин сайд Ө.Энхтүвшин, ОХУ-ын ШУА-ийн харьяа Хятад болон орчин цагийн Азийн хүрээлэнгийн захирал, доктор Кирилл Владимирович Бабаев нар тус хүрээлэнгийн явуулж буй үйл ажиллагаа болон Монгол, Оросын улс төр, нийгэм, эдийн засгийн хамтын ажиллагааны асуудлаар санал солилцож, тус хүрээлэнг Монгол Улсын ГХЯ, ШУА, Стратеги судлалын хүрээлэн зэрэг холбогдох байгууллагуудтай холбоо тогтоон хамтран ажиллахад нь ЭСЯ-ны зүгээс зохих дэмжлэг үзүүлэхээр тохирсон болно.